Avizu
Liu husi Konselho Executivu AETL Nacional disidi ona fulan realiza kongresu Nacional mak Dezembru 2025. Nun’e husu ba Estrutura periodu 2020 @ 2025 no membrus AETL sira hotu hodi bele halo movimentu makas atu prepara kondisaun ba kongresu tinan ida nee. Iha tempu badak Konselho Executivu sei hasai ordem servisu hari komisaun preparativu ba kongresu refere.
Espera katak bele kria situasaun no animu foun ba iha kongresu dala ida nee no lider sira foun mai bele lori AETL sai profesional liutan ba futur.
Iha periodu 2020 @ 2025 ita konsege halo ona terobosaun esensial balun hanesan tuir mai:
- Reativa fali AETL hanesan membru ba ICN, liu husi ita selu iuran nebe pendente kedas husi 2012 mai too iha 2020 no ita konsege selu e reativa ita nia membru iha ICN.
- Registu ofisial AETL ba iha Ministerio Justica liu husi Notariadu, atu dehan deit katak periodu hirak ba kotuk nunka halo rejistaun ofisial ba ita nia AETL no iha periodu 2020 @ 2025 ita konsege rejistu ofisial ona no ita hetan ona Certifikadu original husi Ministerio Justica.
- Kria Media komunikasaun AETL; ita harii ona ita nia web site ofisial hodi halao komunikasaun iha nivel nacional no internasional.
- halo Minis kongresu hodi kompleta estrutura iha Municipiu Dili, Ainaro no Viqueque, municipiu sira seluk sei iha prosesu hodi realiza Mini kongresu.
- Ita mos konsege ajdua ona ita nia maluk enfermeiru nebe mak fila ona ba mundu seluk ho lori aifunan, tamba ita laiha fundu propriu ka permanente.
- ita estabelese MoU ho universidade balun iha Indonesia no Timor-Leste atu bele servisu hamutuk iha parte peskiza nia.
- Halo akordu ho Ministerio da Saude no WHO iha prosesu implementasaun Sala saudavel iha Municipiu Baucau, Bobonaro no Maliana, e ita rekruta membru AETL nain 10 no koloka iha eskola 10 iha municipiu 3 nee hodi apoiu programa saude eskolar.
- AETL mos konvense membrus sira nebe servisu iha fasilidade saude sira sempre halao ativdade hodi fortifika programa AETL iha baze.
- Ita mos hola parte iha konferensia nivel internasional nebe realiza husi WHO iha Bali e Presidente AETL mak representa ita hotu hodi partisipa e fo mos ideia e rekomendasaun ruma ba WHO no partisipantes sira konaba destinu AETL ba futur.
- AETL mos apoiu prosesu teste kompetensia pra klinika iha universidade balun iha Timor-leste, exemplu ISC, UNDIL, UCT no seluk tan.
- AETL mos representa membrus sira hodi hola parte iha diskusaun proresaun ba prosesu dezenvolvimentu seitor saude inklui direitu pesoal saude iha forum sira nebe realiza iha Timor-Leste.
- AETL mos dalabarak partisipa iha cerimonia Yudisium no graduasaun ba enfermeiros foun sira iha universidade sira iha rai laran.
- atividade importante sira seluk.
Maka nee deit avizu nee ami hatoo ba atensaun no kolaborasaun diak hatoo obrigado wain.
Dr. Domingos Soares, S.Kep. Ns., MM., M.Enf
Sekretariu Jeral AETL
